19 Aprel 2023, 11:01
FUTBOL

"Bu yarışın xüsusi bir xüsusiyyəti var və bəzən inanılmaz nəticələr əldə edə bilərsiniz, ona görə..."

"Emosiyaların pis və ya yaxşı olmasının fərqi yoxdur, onu idarə etməliyik. Rəqibin necə oynayacağını bilmirik, amma nə etməli olduğumuzu dəqiq bilməliyik və bunu etməyə çalışmalıyıq". Matc.az xəbər verir ki, bunu "Mançester Siti"nin baş məşqçisi pep Qvardiola deyib. 
 
Mançester təmsilçisi bu gün çempionlar Liqasının 1/4 final mərhələsinin cavab oyununda "Bavariya"nın qonağı olacaq. İlk görüşdə 3:0 hesablı qələbəyə baxmayaraq, Qvardiola ehtiyatlı danışıb: "Oyuna nəzarət etmək üçün nə etməli olduğumuza diqqət yetirməliyik. Bu yarışda ən prestijli komandalardan birinə qarşıyıq. 11 futbolçuya qarşı 11 futbolçudur və biz daha yaxşısını etməyə çalışacağıq. İlk oyundakı nəticəyə fokuslanmaq səhv olardı".
 
"Mançester Siti"nin yarımmüdafiəçisi İlkay Gündoğan isə bildirib ki, çempionlar Liqasının özəl xüsusiyyəti var: "Komandamız bura qələbə üçün gəlib, lakin biz dəqiq oynamalıyıq. Bu yarışın xüsusi bir xüsusiyyəti var və bəzən inanılmaz nəticələr əldə edə bilərsiniz, ona görə də biz Avropanın ən yaxşı komandalarından birinə qarşı yarışa çox ciddi yanaşacağıq".
 

XƏBƏRİ PAYLAŞ
  • gplus
  • pinterest