23 Aprel 2023, 09:05
FUTBOL

"Aston Villa"nın baş məşqçisi Unay Emeri Premyer Liqa tarixinə düşüb. Matc.az saytı xəbər verir ki, ispaniyalı mütəxəssis yeni rekorda imza atıb.
 
Bu, Birminhem klubunun çempionatın 32-ci turunda "Brentford"la 1:1 hesablı heç-heçə etdiyi oyuna təsadüf edib.
 
Belə ki, Emeri baş məşqçi təyin olunduqdan sonra komandası ilk 19 görüşün hamısında qol vuran ilk baş məşqçi kimi Premyer Liqa tarixində ilk həyata keçib.
 
Həmçinin "Aston Villa" 2011-ci ilin oktyabrından bəri ilk dəfə ölkə çempionatında ardıcıl 9 oyunda məğlub olmayıb.
 
Qeyd edək ki, "Aston Villa" hazırda 51 xalla Premyer Liqada 6-cı pillədə qərarlaşıb.
 

XƏBƏRİ PAYLAŞ
  • gplus
  • pinterest