24 Aprel 2023, 10:29
FUTBOL

Misli Premyer Liqasının XXXI turunda "Zirə" ilə 2:2 hesablı bərabərə qalan "Qarabağ" son 3 mövsümün ən yaxşı göstəricisinə imza atıb. Matc.az saytı xəbər verir ki, Ağdam təmsilçisi cari mövsüm ardıcıl 16-cı qarşılaşmasında rəqibini mərkəzə dəvət etməyi bacarıb.
 
Qurban Qurbanovun kollektivi buna qədər axırıncı dəfə XV turda məhz "Zirə" ilə matçda fərqlənə bilməyib, 0:0 hesabı qeydə alınıb. "Köhlən atlar" 2021-ci ildə ardıcıl 15 görüşdə fərqlənməyə imkan tapan "Neftçi" və "Zirə"nin göstəricisini yaxşılaşdırıb.
 
Komanda növbəti turda da qol vurarsa, özünün 2018-19 və 2019-20 mövsümlərində ardıcıl 17 qol vurma göstəricisini də təkrarlayacaq.
 

XƏBƏRİ PAYLAŞ
  • gplus
  • pinterest