09 May 2023, 10:32
FUTBOL

Bombardirlər yarışına başçılıq edən Osimxen İtaliya çempionatlarındakı ümumi top sayını 47-yə yüksəldib.

İtaliya A seriyasının XXXIV turunda "Fiorentina"nı qəbul edən "Napoli" Viktor Osimxenin penaltidən vurduğu yeganə qol sayəsində 1:0 hesablı qələbə qazanıb. Matc.az xəbər verir ki, bununla nigeriyalı forvard bu mövsüm çempionatda keçirdiyi 28 oyunda qolların sayını 23-ə çatdırıb.
 
Bu isə hər 99 dəqiqədə bir qol deməkdi. Bombardirlər yarışına başçılıq edən Osimxen İtaliya çempionatlarındakı ümumi top sayını 47-yə yüksəldib. 79 matçda bunu bacaran forvard A seriyası tarixinin ən məhsuldar afrikalısına çevrilib. O, sabiq "Milan"lı Corc Veaya məxsus 46 qolluq rekordu yeniləyib.
 
Qeyd edək ki, A seriyasında mövsümün sonuna hələ 4 tur qalsa da, "Napoli" çempionluğunu öncədən rəsmiləşdirib.
 

XƏBƏRİ PAYLAŞ
  • gplus
  • pinterest