Azərbaycanın sərbəst güləşçisi Osman Nurmaqomedov Paris-2024 Yay Olimpiya Oyunlarında növbəti görüşünü keçirib. Matc.az xəbər verir ki, 86 kq çəki dərəcəsində yarışan idmançımız 1/4 finalda San Marino təmsilçisi Maylz Nazem Amin ilə qarşılaşıb.

Gərgin keçən görüşdə Nurmaqomedov rəqibinə 14:16 hesabı ilə uduzub.

Amin finala yüksəlsə, Osman sabah təsəlliverici qarşılaşmada iştirak edəcək.

**********************

Sərbəst güləşçimiz Osman Nurmaqomedov Paris-2024 Yay Olimpiya Oyunlarında mübarizəyə başlayıb. Matc.az xəbər verir ki, 86 kq çəki dərəcəsində yarışan idmançı 1/8 finalda Bat Erden Byambasurenlə qarşılaşıb.

Osman monqolustanlı rəqibinə 11:2 hesabı ilə qalib gəlib və 1/4 finala adlayıb.

Qeyd edək ki, Paris-2024 avqustun 11-də sona çatacaq.