“Bayer”in baş məşqçisi Xabi Alonsonun Almaniya Kubokunda qələbə seriyası davam edir. Matc.az xəbər verir ki, ispaniyalı mütəxəssisin komandası turnirin 1/8 finalında “Bavariya”nı 1:0 hesabı ilə məğlub edib.

Bu, Alonsonun baş məşqçi kimi ölkə kubokunda keçirdiyi 9-cu oyunda 9-cu qələbəsi olub. O, turnirin XXI əsr üçün rekordunun bir addımlığındadı. Hazırda rekorda şərik olan Pep Qvardiola və Lui van Qal Almaniya Kubokundakı ilk 10 matçlarında qələbə sevinci yaşayıblar. Onlar da bu uğura “Bavariya”nın sükanı arxasında imza atıblar.

Qeyd edək ki, “Bayer” Almaniya Kubokunun son qalibidi.