“Qarabağ” Rusiya çempionatında ən yüksək yerlər uğrunda mübarizə aparardı"

“Qarabağ”ın sabiq qapıçısı Andrey Lunyov ölkəsinin mətbuatına açıqlamasında Ağdam klubu haqda danışıb. Matc.az xəbər verir ki, hazırda Moskva “Dinamo”sunda çıxış edən qolkiper “Sport Express” nəşrinə müsahibə verib.

Müsahibə zamanı ona keçmiş komandası “Qarabağ”ın Rusiya Premyer Liqasında hansı yerlər uğrunda mübarizə apara biləcəyi haqda sual verilib. Lunyovun suala cavabı belə olub: “Şübhəsiz, “Qarabağ” liderlər arasında olardı. Onlar Rusiya çempionatında ən yüksək yerlər uğrunda mübarizə aparardılar. Yüz faiz ilk “altılıq”da yer alardılar”.

Qeyd edək ki, 33 yaşlı rusiyalı qolkiper “Qarabağ”dan bu ilin yayında ayrılıb.