"İnter" qapıçı Yan Zommerin mövsümün sonunda başa çatan müqaviləsinin müddətini uzatmayacaq.

Matc.az xəbər verir ki, İtaliya çempionu isveçrəli qolkiperə əvəzləyici axtarır.

Milan təmsilçisinin əsas hədəfi "Atletiko"da çıxış edən Yan Oblakdır. "İnter" yaxın vaxtlarda 33 yaşlı "əlcək sahibi" ilə danışıqlara başlamağı planlaşdırır.

Qeyd edək ki, Yan Oblak bu mövsüm "Atletiko"nun heyətində 43 oyunda iştirak edib. Sloveniyalı futbolçunun Madrid klubu ilə müqaviləsi 2028-ci ilin yayına kimidir.