Klubun yeni emblemi ənənəvi ağ-qara rənglərdə hazırlanıb.

"Neftçi" İdman Klubu yeni loqosunu ictimaiyyətə təqdim edib.

Matc.az xəbər verir ki, bu barədə klubun mətbuat xidməti məlumat yayıb.

Bildirilir ki, klubun yeni emblemi ənənəvi ağ-qara rənglərdə hazırlanıb. Loqonun mərkəzində klubun ilk rəmzinin konturları, adının baş hərfi və neft buruqları təsvir olunub.

Emblemin yuxarı hissəsində "Neftçi" İdman Klubunun adı, aşağı hissəsində isə klubun yaranma tarixi olan "1937" əksini tapıb.

Yeni loqo "Neftçi"nin tarixi irsini qorumaqla yanaşı, müasir vizual kimliyini də özündə əks etdirir.