"Bornmut"un yarımmüdafiəçisi Tayler Adams Premyer Liqanın nəhəng klublarının transfer siyahısına düşüb.

Matc.az xəbər verir ki, bu barədə "Caught Offside" portalı məlumat yayıb.

"Çelsi", "Liverpul" və "Mançester Yunayted" ABŞ millisinin üzvünü transfer etmək istəyir. Klubu 30 yaşlı dayaq yarımmüdafiəçisi üçün 30 milyon funt-sterlinq tələb edir.

Qeyd edək ki, Tayler Adams bu mövsüm "Bornmut"un heyətində keçirdiyi 19 oyunda 2 qol vurub, 1 qol ötürməsi edib.