“Bavariya” və “Liverpul”un keçmiş müdafiəçisi Markus Babbel dünyada ilin ən yaxşı futbolçusuna təqdim olunan “Qızıl top” mükafatı barədə kəskin fikirlər səsləndirib.

Matc.az xəbər verir ki, ötənlərin təcrübəli futbolçusu oktyabrın 26-da Londonda keçiriləcək təntənəli mükafatlandırma mərasimi öncəsi təşkilatçıları və klubların bu mükafata münasibətini tənqid edib:

“Bu, tam bir sirk tamaşasıdır – özü də qlobal miqyasda. İnsanların, hətta bəzən bütöv klubların öz oyunçuları seçilmədiyinə görə incimələrini görəndə həmişə gülürəm. Bunu tamamilə mənasız hesab edirəm. Düzü, futbol kimi komanda idman növlərində bu cür fərdi mükafatları ümumiyyətlə ləğv edərdim”.