17 Mart 2021, 13:53
ÇEMPİONLAR LİQASI

"Borussiya" ÇL çərçivəsində fevralın 25-də "Mançester Siti"yə ilk oyunda da 0:2 hesabıyla uduzmuşdu. Martın 2-də Almaniya kubokunda Dortmund "Borussiya"sına 0:1 yenilən bu komanda Bundesliqa çərçivəsində də "Maynts" (20 fevral, 1:2), "Leypsiq" (27 fevral, 2:3), "Auqsburq" (12 mart, 1:3) və "Bayer"ə (6 mart, 0:1) uduzub.

Mönhenqladbax "Borussiya"sı UEFA çempionlar Liqasının 1/8 final mərhələsi çərçivəsində İngiltərənin "Mançester Siti" klubu ilə cavab oyunundan da məğlub ayrıldı – 0:2.
 
Matc.az xəbər verir ki, bu, Almaniya klubunun ardıcıl 7-ci məğlubiyyətidir.
 
Belə ki, "Borussiya" çL çərçivəsində fevralın 25-də "Mançester Siti"yə ilk oyunda da 0:2 hesabıyla uduzmuşdu. Martın 2-də Almaniya kubokunda Dortmund "Borussiya"sına 0:1 yenilən bu komanda Bundesliqa çərçivəsində də "Maynts" (20 fevral, 1:2), "Leypsiq" (27 fevral, 2:3), "Auqsburq" (12 mart, 1:3) və "Bayer"ə (6 mart, 0:1) uduzub.
 
Qeyd edək ki, "Borussiya" 1989-cu ildən bəri ilk dəfədir ardıcıl 7 oyundan məğlubiyyətlə ayrılır. 
 
Mönhenqladbax təmsilçisi sonuncu dəfə "Volfsburq"la Bundesliqa matçında məğlub olmayıb. Fevralın 14-də baş tutan həmin görüş qolsuz bitib – 0:0. Sözügedən komandanın sonuncu qələbəsi isə fevralın 3-də qeydə alınıb. Həmin gün "Borussiya" Almaniya kuboku çərçivəsində səfərdə "Ştutqart"a 2:1 hesabıyla qalib gəlib.

XƏBƏRİ PAYLAŞ
  • gplus
  • pinterest