15 İyul 2021, 19:14
ÇEMPİONLAR LİQASI

UEFA çempionlar Liqasının 2-ci təsnifat mərhələsi çərçivəsində iyulun 21-də keçiriləcək "Olimpiakos" – "Neftçi" oyunu öncəsi "ağ-qaralar"ın baş məşqçisi Samir Abasov və seneqallı futbolçu Mamadu Mbodjun iştirakı ilə mətbuat konfransı təşkil olunacaq. Matc.az paytaxt klubunun rəsmi saytına istinadən xəbər verir ki, tədbir iyulun 20-də Bakı vaxtı ilə saat 22:30-dan etibarən Georgios Karaiskakis stadionunun mətbuat zalında keçiriləcək.
 
Konfransdan sonra, saat 23:00-da isə "Neftçi"nin media nümayəndələri üçün açıq məşqi (ilk 15 dəqiqəsi) baş tutacaq.
 
Eyni məkanda həmin gün saat 17:30-da rəqib komandanın mətbuat konfransı olacaq.
 
Qeyd edək ki, bu tədbirlərin "Neftçi TV" vasitəsilə canlı yayımlanması nəzərdə tutulub.
 
Georgios Karaiskakis stadionunda keçiriləcək "Olimpiakos" – "Neftçi" matçına Bakı vaxtı ilə saat 23:00-da start veriləcək.

XƏBƏRİ PAYLAŞ
  • gplus
  • pinterest