14 Noyabr 2023, 10:47
FUTBOL

AVRO-2024-ün seçmə mərhələsində keçiriləcək Azərbaycan – İsveç oyunu öncəsi son məşqlərin və mətbuat konfranslarının vaxtı müəyyənləşib. Matc.az xəbər verir ki, əvvəlcə qonaq komanda hazırlıq keçəcək.
 
İlk olaraq sabah saat 14:45-də isveçlilər Tofiq Bəhramov adına Respublika stadionunda məşqə çıxacaqlar. Saat 16:00-da isə eyni məkanda baş məşqçi Yanne Anderssonun mətbuat konfransı olacaq.
 
Azərbaycan millisinin çalışdırıcısı Canni de Byazi mətbuat önünə saat 18:00-da çıxacaq. Bundan yarım saat sonra millimiz məşqə çıxacaq. Komandamızın həm mətbuat konfransı, həm də son məşqi “Dalğa Arena”da reallaşacaq.
 
Qeyd edək ki, Azərbaycan – İsveç görüşü noyabrın 16-da Tofiq Bəhramov adına Respublika stadionunda keçiriləcək.

XƏBƏRİ PAYLAŞ
  • gplus
  • pinterest