“Real”ın yarımmüdafiəçisi Federiko Valverde ötən mövsüm baş verən xoşagəlməz hadisəni xatırladıb.

Matc.az xəbər verir ki, La Liqanın 28-ci turunun “Vilyarreal”la oyunundan (2:3) sonra Valverde rəqib oyunçu Aleks Baenanı dayanacaqda gözləyib və onun üzünə zərbə endirmişdi. Futbolçu bu barədə yerli mətbuata açıqlama verib: “Apreldə “Vilyarreal”la oyundan sonra hər şey yolunda getdi. Hər kəs başlıqları oxuyur. Hər kəs “hekayə”nin hər iki tərəfini bilir. Mən bu dəhşətli şeyləri bir daha üzə çıxarmaq istəmirəm. Bütün demək istədiyim bir şeydir... Futbol meydançasında mənə nə istəsən deyə bilərsən. Bu məni narahat etməz. Allah xatirinə. Amma elə sərhədlər var ki, onları keçmək olmaz. Futbolçu kimi yox, insan kimi. Mən reaksiya verməliydim? Bəlkə yox. Bəlkə də oğlumla hamburger paylaşmaq, toyuq əti yemək və cizgi filmlərinə baxmaq üçün evə getməliydim. Amma mən insanam. Bəzən sən özün və ailən üçün ayağa qalxmağı bacarmalısan. Medianın məni zorakı bir oğlan kimi göstərdiyini, sonradan yalan olduğu ortaya çıxan çoxlu yalanları görmək məni incitdi. Amma səmimiyyətlə deyə bilərəm ki, heç nəyə peşman deyiləm. Çünki bu, məni bir insan kimi daha da böyütdü və buna görə də ailəmiz həmişəkindən daha birləşdi”.