“Mançester Siti”nin qapıçısı Ederson zədə səbəbindən DÇ-2026-nın seçmə mərhələsi çərçivəsində Braziliya millisinin heyətində çıxış edə bilməyəcək.

Matc.az xəbər verir ki, bu barədə yerli mətbuat məlumat yayıb. Futbolçu Premyer Liqada “Çelsi” ilə dueldə əzələsini dartıb. 31 yaşlı qolkiperin sağalma müddəti məlum deyil. Braziliya kollektivi noyabrın 17-də Kolumbiya, 21-də isə Argentina ilə qarşılaşacaq. Edersonun əvəzinə “Atletiko Paranaense”nin qapıçısı Bento Braziliya millisinə çağırılıb.