19 Noyabr 2023, 14:19
FUTBOL

"Baş məşqçimiz oyundan öncə bizə demişdi ki, nəyəsə nail olmaq üçün çox çalışmalıyıq. Ona görə də diqqətimizi oyuna yönəltmişdik. Böyükhesablı qələbə üçün rekorda imza atmalıydıq".

Fransa millisinin hücumçusu Kilian Mbappe AVRO-2024-ün seçmə qrup mərhələsinin Cəbəllütariqlə qarşılaşmasını (14:0) şərh edib. Matc.az xəbər verir ki, o, qeydə alınan böyükhesablı nəticəni komandanın uğuru adlandırıb:
 
"Baş məşqçimiz oyundan öncə bizə demişdi ki, nəyəsə nail olmaq üçün çox çalışmalıyıq. Ona görə də diqqətimizi oyuna yönəltmişdik. Böyükhesablı qələbə üçün rekorda imza atmalıydıq. Komanda şəklində uğura imza atdıq. Bundan gözəl heç nə yoxdur. Heyətimizdə istedadlı futbolçular var.
 
Karyeramda 300-cü qolu vurmağım mənim üçün yeni mərhələnin başlanğıcıdır. Hər zaman tarix yazmaq istəmişəm. Çıxış etdiyim komanda və yığma üçün həlledici rol oynamağa davam etmək istəyirəm".
 
Fransa hazırda B qrupunun turnir cədvəlinə 21 xalla başçılıq edir. Cəbəllütariq isə 0 xalla sonuncudur.

XƏBƏRİ PAYLAŞ
  • gplus
  • pinterest