"Mançester Siti" gənc norveçli futbolçu Oskar Bobbu icarəyə verməkdən imtina edib.

Matc.az xəbər verir ki, bu barədə yerli mətbuat məlumat yayıb. İngilis klubu biri “Latsio”dan da daxil olmaqla üç təklifi rədd edib. Futbolçu açıqlamasında deyib: “Mən heç vaxt “Mançester Siti”ni icarə əsasında tərk etməyi planlaşdırmadım. Agentlərim klubla danışıqlar aparır. Bütün karyeramı burada keçirmək əla olardı”.

Qeyd edək ki, bu mövsüm 20 yaşlı Bobb Premyer Liqada dörd oyun keçirib və bir məhsuldar ötürmə edib.