"O, bizim kapitanımızdır, liderimizdir. Bu bizim qolçumuz, önəmli oyunçumuzdur"

“Mançester Yunayted"in müdafiəçisi Harri Maquayr İngiltərə millisində komanda yoldaşı olan hücumçu Harri Keyn haqqında danışıb.

Matc.az xəbər verir ki, futbolçu bu barədə yerli mətbuata açıqlama verib: “Mənim üçün Harri dünyanın ən yaxşı hücumçusudur. O, meydanda olmayanda biz onun üçün darıxırıq. O, bizim kapitanımızdır, liderimizdir. Bu bizim qolçumuz, önəmli oyunçumuzdur. Keyn müdafiəçilər üçün qorxulu yuxudur. O, istənilən bucaqdan topu tora vura bilər”.

Qeyd edək ki, Almaniyadakı ilk mövsümündə Keyn bütün yarışlarda 16 oyun keçirib, 21 qol vurub və 7 məhsuldar ötürmə edib.