23 Noyabr 2023, 13:12
FUTBOL

Azərbaycan Premyer Liqasında 2 oyunun vaxtında dəyişiklik olub. Matc.az xəbər verir ki, “Səbail” – “Kəpəz” və “Zirə” – “Araz-Naxçıvan” görüşlərinin təqvimində dəyişiklik edilib.
 
Məsələ burasındadı ki, “Səbail” “ASCO Arena”nın elektrik təchizatında problem yarandığı üçün Peşəkar Futbol Liqasına müraciət ünvanlayıb.
 
Bunu nəzərə alan qurum “Kəpəz”lə XIV tur qarşılaşmasının 18:30-da deyil, 14:00-da başlamasını qərara alıb.
 
XVI turun “Zirə”  - “Araz Naxçıvan” görüşü isə saat 18:00-da start götürməli idi. Lakin təşkilati məsələlərlə əlaqədar matçın startı bir saat əvvələ, yəni 17:00-a keçirilib.
 
Qeyd edək ki, “Səbail” – “Kəpəz” oyunu noyabrın 25-də, “Zirə”  - “Araz Naxçıvan” matçı isə dekabrın 9-da başlayacaq.

XƏBƏRİ PAYLAŞ
  • gplus
  • pinterest