“Mançester Siti"nin hücumçusu Erlinq Haalandın agenti Rafaela Pimenta oyunçunun “Real”a mümkün transferi ilə bağlı danışıb.

Matc.az xəbər verir ki, o bu barədə yerli mətbuata açıqlama verib: "Haaland “Real” ilə müqavilə imzalayacaqmı? Bu barədə Madrid klubundan soruşmalısınız. Bizə yaxşı təkliflər var. Haaland seçim edəcəkmi? Onu bilmirəm”.

23 yaşlı norveçlinin Mançesterr təmsilçisi ilə müqaviləsi 2027-ci ilə qədərdir. Haalandın klub ilə razılaşmasında onun müəyyən qiymətə geri alınmasına imkan verən bir neçə bənd var. Haalandın bu yay transferi maraqlananlara 250 milyon avroya başa gələcək. Amma hər il bu məbləğ azalacaq.