Noyabrın 24-də Səudiyyə Ərəbistanının Pro Liqasında 14-cü turun oyunu keçirilib.

Matc.az xəbər verir ki, "Əl-İttifaq" "Əl-İttihad"ı qəbul edib. Oyun 1:1 hesabı ilə heç-heçə başa çatıb. Georjinio Vijnaldumun qoluna qonaqlar Fabinyonun ötürməsindən Abderazzak Hamdallanın dəqiq zərbəsi ilə cavab verib. Bu, "Əl İttihad"ın yeni baş məşqçisi Marselo Qalardonun rəhbərliyi altında ilk oyunu idi. 25 xalı olan komanda Pro Liqanın turnir cədvəlində 5-ci yerdədir. Stiven Cerrardın baş məşqçisi olduğu “Əl İttifaq” 23 xala malikdir və 7-ci yerdədir.