Səudiyyə Ərəbistanı Pro Liqasının 26-cı turunda "Əl-Nəsr" səfərdə "Əl-Hilal"a üz-üzə gəlib.

Matc.az xəbər verir ki, qarşılaşma qonaq komandanın 3:1 hesablı qələbəsi ilə yekunlaşıb.

Görüşdə "Əl-Nəsr"in hücumçusu Kriştiano Ronaldo 2 qola imza atıb. Ulduz futbolçu 47 və 88-ci dəqiqələrdə (ikinci qol penaltidən) fərqlənib.

Bununla da, Ronaldo qollarının sayını 931-ə çatdırıb. O, karyerası ərzində klub səviyyəsində 795, Portuqaliya millisində isə 136 qol vurub.

Qeyd edək ki, Ronaldo bu mövsüm bütün turnirlərdə 34 matçda iştirak edib, 30 qol vurub və 4 məhsuldar ötürmə edib. 40 yaşlı hücumçunun klubla hazırkı müqaviləsi 2025-ci ilin yayına qədərdir. "Transfermarkt" portalında futbolçunun dəyəri 12 milyon avrodur.