Səudiyyə Ərəbistanı çempionatının klubları "Mançester Siti"nin hücumameyilli yarımmüdafiəçisi Kevin De Bruyne ilə xüsusi maraqlanır.

Matc.az xəbər verir ki, bu bardə məlumatı "Give Me Sport" paylaşıb.

Bildirilir ki, futbolçu ikinci diviziondan "Əl-Kadisiya" və "Neom"un maraq dairəsindədir. De Bruyneyə Avropadan da təkliflər var.

Amerikanın "San Dieqo" klubu artıq belçikalı ilə müqavilə bağlamaq fikrində deyil, lakin digər Amerika klubları De Bruyne ilə maraqlanır. Belçikalının özü isə MLS-ə keçidi Ərəbistan çempionatına keçməkdən üstün tutur.

Qeyd edək ki, De Bruyne daha əvvəl mövsümün sonunda "Mançester Siti"ni tərk edəcəyini açıqlamışdı. O, bu mövsüm 30 oyunda 4 qol vurub və 7 məhsuldar ötürmə edib.