"Real" 32 yaşlı mərkəz müdafiəçisi Antonio Rudigerlə müqaviləni 2028-ci ilə qədər uzatmağı düşünür.

Matc.az xəbər verir ki, bu barədə "X" sosial şəbəkəsində jurnalist Florian Plettenberq məlumat paylaşıb.

Bildirilir ki, alman futbolçuya Səudiyyə Ərəbistanından maraq olsa da, onun prioriteti karyerasını Madrid klubunda davam etdirməkdir.

Futbolçunun klubla hazırkı müqaviləsi 2026-cı ilin yayına qədərdir. Rudiger 2022-ci ilin yayından "Real"da çıxış edir. Bu müddət ərzində o, bütün turnirlərdə 145 matça çıxıb, 7 qol vurub və 2 məhsuldar ötürmə edib. Almaniyalı futbolçu "Kral klubu"nun heyətində Çempionlar Liqasının və İspaniya çempionatının qalibi olub.