UEFA "Çelsi"ni qadınlardan ibarət komandanı London klubunun sahibləri "Blueco 22 Midco Ltd"nin ana şirkətinə satdığı üçün cərimələyə bilər.

Matc.az xəbər verir ki, bu barədə Britaniyanın "Mirror" nəşri məlumat yayıb.

Bildirilir ki, UEFA "Çelsi"ni bu cür maxinasiyalara görə cəzalandıra bilər, çünki sövdələşmədə təşkilatın maliyyə qaydalarını pozması ehtimalı var və bu, klublara aktivlərin törəmə şirkətlərə satışından əldə olunan gəlirləri qeydiyyata almağa imkan vermir. Çox güman ki, London klubu cərimələnəcək.

Qeyd edək ki, İngiltərə Premyer Liqasında 30 oyundan sonra 52 xalı olan "Çelsi" turnir cədvəlində dördüncü pillədə qərarlaşıb.