"Bu baş verərsə, əla, yoxsa, yox. Əsas olan indiki məqamdır, nə olacağı deyil".

Portuqaliya millisinin və "Əl-Nəsr"in hücumçusu Kriştiano Ronaldo karyerası ərzində 1000 qol vura biləcəyinə dair sualı cavablandırıb.

Matc.az xəbər verir ki, 40 yaşlı ulduz futbolçu belə bir məqsədinin olmadğını deyib.

"Uşaqlar, gəlin, indiki andan həzz alaq. Mənim 1000 qol vurmaq kimi məqsədim yoxdur. Bu baş verərsə, əla, yoxsa, yox. Əsas olan indiki məqamdır, nə olacağı deyil".

Xatırladaq ki, ötən gün Səudiyyə Ərəbistanı Pro Liqasının 26-cı turunda "Əl-Nəsr" səfərdə "Əl-Hilal"a 1:3 hesabı ilə qalib gəlib. Bu oyunda portuqaliyalı futbolçu dubla imza ataraq karyerası ərzində vurduğu qolların sayını 931-ə çatdırıb.