Mançesterdə Kamerun millisinin və "Mançester Yunayted"inqapıçısı Andre Onananın həyat yoldaşı Melani Kamayou qarət edilib.

Matc.az xəbər verir ki, bu barədə "Mirror" nəşri məlumat yayıb.

Futbolçunun həyat yoldaşı küçədə, restoranın yaxınlığında hücuma məruz qalıb. Ondan dəyəri 73 min avrodan çox olan qiymətli əşyaları oğurlanıb. Oğurluqda 25 yaşlı gəncin ittiham olunduğu bildirilir.

Qeyd edək ki, Andre Onana 2023-cü ilin iyulunda İtaliyanın "İnter" klubundan "Mançester Yunayted"ə keçib. Kamerunlu qolkiper bu mövsüm "qırmızı şeytanlar"ın heyətində 41 oyun keçirib, 54 qol buraxıb və 9 dəfə qapısını toxunulmaz saxlayıb.