İspaniya La Liqasının 30-cu turunda "Real" evdə "Valensiya" ilə qarşılaşıb.

Matc.az xəbər verir ki, oyun İspaniyanın Madrid şəhərindəki "Santyaqo Bernabeu" stadionunda baş tutub. Görüş "Valensiya"nın 2:1 hesablı qələbəsi ilə yekunlaşıb.

Qarşılaşmanın 13-cü dəqiqədə madridlilərin braziliyalı hücumçusu Vinisius Junior penalti zərbəsini yerinə yetirə bilməyib. 15-ci dəqiqədə "Valensiya"nın müdafiəçisi Muktar Diyakabi komandasını hesabda irəli çıxarıb. 50-ci dəqiqədə Vinisius hesabda bərabərliyi bərpa edib. 90+5-ci dəqiqədə isə hücumçu Uqo Duro "Valensiya"nın qələbə qolunu vurub.

Qeyd edək ki, 30 turdan sonra "Real" 63 xalla turnir cədvəlinin ikinci pilləsində qərarlaşıb. "Valensiya" isə 34 xalla 15-ci yerdədir. Zirvədə isə 28 oyuna 66 xal toplayan "Barselona" yer alıb.