"Napoli"nin baş məşqçisi Massimiliano Alleqri belçikalı yarımmüdafiəçi Kevin De Bruynenin yüksək səviyyədə çıxışını necə davam etdirə biləcəyi barədə danışıb.

Matc.az xəbər verir ki, bu barədə "Sky Sport Italia" nəşri məlumat yayıb.

İtalyan mütəxəssis belçikalı oyunçunun potensialı haqqında fikirlərini bölüşüb:

"De Bruyne möhtəşəm oyunçudur. Əgər o, meydanın dərininindən oyunqurucu rolunu yerinə yetirməyə başlasa, daha da güclənər və karyerasını uzada bilər. Lakin onun bu ideyadan xoşu gəlmir. O, hücuma daha yaxın oynayaraq futboldan zövq almaq istəyir və bu gün mükəmməl bir matç keçirdi".

Qeyd edək ki, "Napoli" A Seriyasının 6-cı turunun matçında "Frozinone"ni darmadağın edib (3:0). De Bruyne bu qarşılaşmada dubl müəllifi olub.

Belçikalı yarımmüdafiəçi 2025-ci ilin yayında "Mançester Siti"dən azad agent kimi keçid etdikdən sonra "Napoli"də çıxış edir.