20 Oktyabr 2022, 13:08
APL

AFFA İntizam Komitəsinin iclası keçirilib. Matc.az xəbər verir ki, bu gün keçirilən iclasda aşağıdakı qərarlar qəbul edilib

AFFA İntizam Komitəsinin iclası keçirilib. Matc.az xəbər verir ki, bu gün keçirilən iclasda aşağıdakı qərarlar qəbul edilib:
 
Premyer Liqanın 10-cu turunun "Şamaxı" – "Qəbələ" oyununda "Şamaxı" klubunun futbolçusu Rövşən Şahmuradovun formasında adının və ya soyadının yazılmaması səbəbi ilə "Şamaxı" klubu 3000 manat cərimə olunur.
 
10-cu turun "Sabah" – "Zirə" oyununda "Zirə" klubunun futbolçusu çoşqun Diniyev oyunun 84-cü dəqiqəsində ikinci xəbərdarlıq almaqla qırmızı vərəqə ilə meydandan kənarlaşdırıldığı üçün 1 oyun cəzalanır, klub 200 manat cərimə olunur.
 
10-cu turun "Sabah" – "Zirə" oyununda "Zirə" klubunun futbolçusu çoşqun Diniyev oyunun 84-cü dəqiqəsində qırımızı vərəqə alaraq meydanı tərk etdikdən sonra stadionun giriş qapısının şüşəsini sındırdığı üçün 1 oyun cəzalanır, klub 2400 manat cərimə olunur.
 
10-cu turun "Sabah" – "Zirə" oyununda stadiondakı əmlaka "Zirə" klubunun futbolçusu çoşqun Diniyev tərəfindən dəymiş zərər "Zirə" klubu tərəfindən stadion sahibinə kompensasiya edilsin.
 
10-cu turun "Sabah" – "Zirə" oyununda oyun bitdikdən sonra kənar şəxslərin meydana daxil olmasına görə "Sabah" klubu 1600 manat məbləğində cərimə olunur.
 
10-cu turun "Sabah" – "Zirə" oyununda "Zirə" klubunun azarkeşləri tərəfindən nalayiq və təhqiridici sözlərdən istifadə edildiyinə görə "Zirə" klubu 4000 manat məbləğində cərimə olunur.
 
10-cu turun "Kəpəz" – "Neftçi" oyununda yanğına qarşı yanğın mühafizə xidməti əməkdaşının oyuna gecikməsinə görə "Kəpəz" klubu 400 manat məbləğində cərimələnir.
 
10-cu turun "Kəpəz" – "Neftçi" oyununda əvəzetmə tablosunun oyunun gedişində işləməməsinə görə "Kəpəz" klubu 800 manat məbləğində cərimələnir.
 
10-cu turun "Kəpəz" – "Neftçi" oyununda "Kəpəz" klubunun 2 nömrəli futbolçusu Zamiq Əliyev oyunun 62-ci dəqiqəsində təcavüzkar davranışa görə bir oyunda ikinci xəbərdarlıq almaqla qırmızı vərəqə ilə meydandan kənarlaşdırıldığı üçün 4 oyun cəzalanır, klub 3200 manat cərimə olunur.
 
10-cu turun "Kəpəz" – "Neftçi" oyununda "Neftçi" klubunun 5 futbolçusu sarı vərəqə ilə cəzalandırıldığı üçün klub 800 manat cərimə olunur.
 
10-cu turun "Turan Tovuz" – "Səbail" oyununda oyunun gedişində "Səbail" klubunun fotoqrafı meydana və VAR monitoruna çox yaxın durduğuna görə "Səbail" klubu 800 manat məbləğində cərimələnir.

XƏBƏRİ PAYLAŞ
  • gplus
  • pinterest