"Atletiko"nun hücumçusu Antuan Qrizmann La Liqanın 6-cı turunda "Real" üzərində qazanılan qələbəni (3:1) şərh edib.

Matc.az xəbər verir ki, futbolçu bu barədə yerli mətbuata açıqlama verib:

*Mən komanda oyunçusuyam və hər şeydə nümunə göstərməyə çalışıram. Bəzən öz cərimə meydançanızdan top çıxararaq daha dərindən oynamaq lazım olur. Bu mənim üçün təbiidir. Görürəm ki, yoldaşlar müdafiə üzərində işləyirlər və mən onları ruhdan sala bilmirəm. Bu gün ilk hissədə hücumda çox yaxşı idik. Fasilədən sonra ikinci hissədə daha yaxşı oynadıq və bu, üçüncü qolu vurmağımıza kömək etdi. Məşqdə görürük ki, topla daha yaxşı davranırıq və bu, bizə inam verir. "Valensiya" ilə oyunda (0:3) baş verənlər qəza idi. Qoldan sonra az qala ağlayacaqdım. Burada oynamaqdan xoşbəxtəm və qürur duyuram. Mənə aid mahnıları yenidən eşitmək üçün hər şeyimi verəcəyimi söylədim və sözümdə duracam".