“Qarabağ” heyətinə yeni futbolçu qatıb. Matc.az xəbər verir ki, bu barədə klubun yaydığı açıqlamada bildirilir.

“Köhlən atlılar” qapıçı Mateuş Koxalskini heyətə cəlb ediblər. Uzun sürən danışıqlar nəticəsində Polşa təmsilçisi “Stal Mielets”lə razılıq əldə olunub.

24 yaşlı polşalı qolkiperlə 3+1 illik müqavilə imzalanıb. O, “Stal Mielets”in heyətində ötən mövsüm Polşa çempionatının ən yaxşı qapıçısı adına layiq görülüb.

Koxalski 2022-ci ilin yayından “Stal Mielets”in şərəfini qoruyub. O, bunadək “Legionoviya Legionovo”, “Radomyak Radom” və “Legiya Varşava”da forma geyinib.

Qeyd edək ki, “Qarabağ”ın yeni qapıçısı bu ilin iyununda Polşanın əsas millisinin AVRO-2024-ə hazırlıq prosesinə dəvət alıb və təlim-məşq toplanışında iştirak edib. O, bunadək U-16, U-17, U-18 və U-19 milli komandalarında da oynayıb.