Azərbaycan milli komandası UEFA Millətlər Liqasının yeni mövsümündə bu gün ilk sınağına çıxacaq.

Matc.az xəbər verir ki, D Liqasının II qrupunda yer alan yığmamız mübarizəyə birbaşa ikinci turdan başlayır.

İlk turu oyunsuz keçirən komandamız yeni mövsümün debüt matçında səfərdə Litva seçməsinin qonağı olacaq.

"Dariaus ir Gireno" stadionda baş tutacaq qarşılaşmanı Kiprdən olan hakimlər briqadası idarə edəcəklər. Oyunun baş hakimi Menelaos Antoniou təyin olunub. Ona yan xətt hakimləri Pavlos Georqiu və Eraklis Komodromos kömək edəcəklər.

UEFA Millətlər Liqası
D Liqası, II Qrup, II tur
27 sentyabr

17:00. Litva – Azərbaycan
Baş hakim: Menelaos Antoniu
Baş hakimin köməkçiləri: Pavlos Qeorqiu, Eraklis Komodromos
Dördüncü hakim: Konstantinos Fellas
VAR: Marios Xristoforou
AVAR: Dimitris Solomu
"Dariaus ir Gireno" stadionu (Kaunas)