24 Aprel 2020, 12:20
FUTBOL

AVRO-2020-nin 2021-ci ilin yayına qədər təxirə salınmasının ardınca və hərtərəfli təhlildən, eləcə də UEFA-nın tərəfdaşları ilə aparılmış müzakirələrdən sonra İcraiyyə Komitəsi turnirin AVRO-2020 adı ilə tanınmağa davam etməsi barədə qərar qəbul edib.
 
Matc.az AFFA-nın saytına istinadən xəbər verir ki, bu qərar UEFA-ya Avropa Futbol çempionatının 60-cı ildönümünün (1960-2020) təntənəli şəkildə qeyd olunması ilə bağlı ilkin ideyanı qoruyub saxlamağa imkan verir. 
 
Qərar, eyni zamanda, UEFA AVRO 2020-nin dayanıqlı olması və israfçılığa səbəb olmaması ilə bağlı UEFA-nın öhdəliyinə də uyğun gəlir. Turnirin təxirə salınmasına qədər çox sayda brendləşdirilmiş material artıq istehsal edilmişdi. Tədbirin adının dəyişdirilməsi bu məhsulların məhv edilib yenidən hazırlanmasına gətirib çıxara bilərdi.

XƏBƏRİ PAYLAŞ
  • gplus
  • pinterest