MLS rəhbərliyi məşqlərin bərpasını 1 iyun tarixinə qədər uzatmaq qərarına gəlib. Matc.az xəbər verir ki, bu barədə liqanın rəsmi saytından məlumat verilib.

Bildirilir ki, komandalara qrup şəklində çalşmaq hələ də qadağandır. Bütün oyunçulardan yerli səhiyyə orqanlarının və hökumətin təlimatlarına əməl etmələri tələb olunub.

MLS-də mövsüm martın ortalarında koronavirus epidemiyası səbəbindən dayandırılıb. Mayın 6-dan etibarən futbolçulara fərdi hazırlığa icazə verilib.

Xatırladaq ki, Azərbaycan millisinin üzvü Rüfət Dadaşovun formasını geyindiyi Amerika birinci liqa təmsilçisi (USL) "Foneks Rizing" komandası məşqləri bərpa edib.