03 Aprel 2022, 01:22

Futbol üzrə İspaniya La Liqasında 30-cu tura start verilib. Matc.az xəbər verir ki, 3 günü əhatə edəcək turun ilk oyun günündə dörd qarşılaşma baş tutub.
 
Turun açılış matçında son 6 görüşdə qələbəyə həsrət qalan iki komanda – "Xetafe" və "Malyorka" üz-üzə gəlib. Meydan sahibləri bu oyunda minimal hesabla qalib gəliblər. "Levante" isə "Vilyarreal"ı məğlub yola salıb.
 
Madrid klubları da ilk oyun günündə meydana çıxıblar. "Selta"nın qonağı olacaq "Real" "el klasiko"dakı məğlubiyyəti unutdurmağa çalışıb və qələbə qazanıb.
 
La Liqada 5 oyunluq qələbə seriyası yaxalayan "Atletiko" isə ilk dövrədə səfərdə minimal hesabla məğlub olduğu "Alaves"i sınağa çəkib. Madrid təmsilçisi bu oyunda darmadağına sevinib.
 
İspaniya La Liqası
30-cu tur
 
2 aprel
 
Xetafe – Malyorka 1:0
Qol: Mayoral, 82.
 
Levante – Vilyarreal 2:0
Qol: Morales, 69; 90+1.
 
Selta – Real 1:2
Qol: Nolito, 52 – Benzema, 19-pen; 69-pen.
 
Atletiko – Alaves 4:1
Qol: J.Feliks, 11; 82. L.Suares, 75-pen; 90 – Eskalante, 63.
 
3 aprel
 
16:00. Atletik – Elçe
18:15. Betis – Osasuna
20:30. Valensiya – Kadis
20:30. Qranada – Rayo Valyekano
23:00. Barselona – Sevilya
 
4 aprel
 
23:00. Real Sosyedad – Espanyol

XƏBƏRİ PAYLAŞ
  • gplus
  • pinterest