06 Sentyabr 2022, 13:00
MPL

"Qəbələ"nin futbolçusu İsnik Alimi Premyer Liqada 10-cu qolunu vurub. Matc.az xəbər verir ki, Şimali Makedoniyadan olan yarımmüdafiəçinin yubiley topu Misli Premyer Liqasının V turuna təsadüf edib.
 
28 yaşlı legioner "Zirə" ilə səfər matçında (1:2) penalti zərbəsi ilə hesabı açıb.
 
Bu, İsnikin cari mövsümdə 5-ci oyunda ikinci qolu olub. O, ötən çempionatın 27 qarşılaşmasında 8 dəfə fərqlənib. ümumilikdə isə balkanlı yarımmüdafiəçi 10-cu qolunu 32-ci matçında vurub. Penalti zərbələrini dəqiq yerinə yetirməsi ilə seçilən Alimi 6 dəfə 11 metrlik nöqtədən fərqlənib.
 
O, "Qəbələ"nin heyətində Premyer Liqada 10 və daha çox qol vuran 18-ci futbolçudur. İsnik buna nail olan 12-ci legionerdir.

XƏBƏRİ PAYLAŞ
  • gplus
  • pinterest