11 Noyabr 2022, 00:03

"Sumqayıt"ın sabiq baş məşqçisi Aleksey Baqa hələ də Azərbaycanı tərk etməyib. Matc.az xəbər verir ki, Belarusdan olan mütəxəssis ölkəsinin mətbuatına açıqlamasında bildirib ki, sentyabrda istefaya göndərilməsində baxmayaraq, Bakıda qalıb

"Sumqayıt"ın sabiq baş məşqçisi Aleksey Baqa hələ də Azərbaycanı tərk etməyib. Matc.az xəbər verir ki, Belarusdan olan mütəxəssis ölkəsinin mətbuatına açıqlamasında bildirib ki, sentyabrda istefaya göndərilməsində baxmayaraq, Bakıda qalıb:
 
"Bunun böyük səbəbləri yoxdur. Birincisi, uşaqlar Bakıda məktəbə getdilər: rübün ortasında fasilə vermək istəmirəm. İkincisi, komanda ilə texniki məsələləri həll etmək lazımdır.  Televiziyada çoxlu futbol var, üstəlik internetdə nəsə tapa bilərsiniz. üstəlik, eyni kompleksdə yaşadığımız qonşular arasında da tanışlar var. Bu, "Sabah"ın baş məşqçisi Murad Musayev, Azərbaycan millisinin baş məşqçisi Canni De Byazi və "Neftçi"nin çalışdırıcısı Laurentsiu Regekampfdır. Biz tez-tez bir-birimizi görür və danışırıq".
 
"Sumqayıt" Baqanın məşqçilik karyerasında çalışdırdığı üçüncü xarici klub olub. Bundan əvvəl o, "Jalgiris" (Litva) və "Aktobe"nin (Qazaxıstan) baş məşqçisi vəzifəsində çalışıb. Belaruslu mütəxəssis bu 3 klubun ölkələrindəki futbolu müqayisə edib:
 
"Azərbaycan çempionatı əcnəbi futbolçuların dəvət olunması baxımından bir-iki addım öndədir. Oradakı futbolçular Braziliyadan, Portuqaliyadan, Almaniyadan, İspaniyadan əla keçmişə malikdirlər. Ona görə də "Qarabağ", "Neftçi" və "Sabah"ın səviyyəsi yüksəkdir. Görünüş və strateji olaraq, Azərbaycan futbolu bizə nümunə ola bilər. Demək olar ki, bütün komandaların stadionu, infrakstrukturu var".

XƏBƏRİ PAYLAŞ
  • gplus
  • pinterest