Misli Premyer Liqasının ilk yarısında birinci hissəni ən çox öz xeyrinə başa vuran komandalar müəyyənləşib. Matc.az xəbər verir ki, geridə qalan 18 turda matçların fasiləsinə qədər ən yaxşı nəticə göstərən klub "Neftçi" olub.

Futbol matçları 45 dəqiqədən ibarət olsaydı, Bakı təmsilçisi hazırda 34 xalla turnir cədvəlinə başçılıq edərdi. Laurentsiu Regekampfın yetirmələri 18 görüşün 10-da fasiləyə üstün yollanmağı bacarıb.

"Sabah" bu baxımdan ikinci sıradadırsa, çempionatın lideri "Qarabağ" üçün ilk yarını o qədər də uğurlu hesab etmək olmaz. Ağdam təmsilçisi 10 qarşılaşmada fasiləyə qədər tarazlığı poza bilməyib (report).