ötən mövsüm icarə əsasında "İnter"də oynayan "çelsi"nin hücumçusu Romelu Lukaku Səudiyyə Ərəbistanına köçə bilər. Matc.az xəbər verir ki, belçikalı futbolçu "Əl-Hilal"da oynamaq istəyir.  

Belə ki, Lukaku Parisdə "Əl-Hilal" nümayəndələri ilə görüşüb və bir mövsümdə təxminən 20 milyon dollarlıq müqavilə təklifi alıb.  Hazırda danışıqlar davam edir.

30 yaşlı Lukaku ötən mövsüm "İnter"in heyətində keçirdiyi 37 oyunda 14 qol vurub.