"Əl-Nəsr"in hücumçusu Kriştiano Ronaldo Kərim Benzemanın "Əl-İttihad"a keçidinə münasibət bildirib. Matc.az xəbər verir ki, Səudiyyə Ərəbistanı çempionatından da danışan portuqaliyalı futbolçu fransalının keçidinə təəccüblənmədiyini bildirib. "Bütün insanların Səudiyyə Ərəbistanı Liqasını izlədiyini görməkdən çox şadam. İnanıram ki, liqa daha da inkişaf edəcək və bura Avropa liqalarından çoxlu oyunçu gələcək".

Ronaldonun fikrincə, hər liqa və ölkə fərqlidir: "Fəxr edirəm ki, Avropanın üç liqasında oynamışam və onların hər birində titul qazanmışam. Səudiyyə Ərəbistanının ən diqqətçəkən xüsusiyyəti isti iqlimdir. Ancaq indi buna öyrəşmişəm".