"Mançester Yunayted"lə müqaviləsi ayın sonunda başa çatacaq qapıçı David de Xea komandasında qala bilər. Matc.az xəbər verir ki, Premyer Liqa klubu ispaniyalı qolkiperlə yeni sözləşmə imzalamaqda maraqlıdı.

Bununla bağlı tərəflər arasında danışıqlar davam edir. 32 yaşlı futbolçu özü də komandada qalmağın əleyhinə deyil. 2011-ci ildən "qırmızı şeytanlar"ın formasını geyinən de Xea komandaya öyrəşdiyindən, dəyişiklik barədə düşünmür.

Qeyd edək ki, David De Xea ötən mövsüm "Mançester Yunayted"in heyətində bütün turnirlərdə 58 oyuna çıxıb, 61 qol buraxıb.