PSJ-nin kapitanı Markinyoş komanda yoldaşı Kilian Mbappenin ayrılma ehtimalı barədə fikir bildirib. Matc.az xəbər verir ki, braziliyalı müdafiəçi ulduz futbolçunun Paris klubunda qalmasını arzulayır.

O, hətta Mbappenin də bunu istədiyini bildirib: "Hər yay Kilian barədə çox danışırıq. Amma o, PSJ oyunçusudu və klubda qalmaq istəyir. Görək, necə olacaq. Mbappenin qalması çox vacibdi, çünki bizim hədəflərimiz böyükdü".

Qeyd edək ki, daha əvvəl Mbappenin PSJ-yə rəsmi məktub göndərdiyi və müqaviləsini yeniləmək istəmədiyini bildirdiyi yazılıb. Hücumçunun bu transfer pəncərəsində "Real"a keçidi istisna edilmir.