"Real"ın prezidenti Florentino Peres Dortmund "Borussiya"sından transfer edilən Cud Bellingemin keçidini şərh edib. Matc.az xəbər verir ki, o, dünyanın ən yaxşı futbolçularından biri ilə gücləndiklərini düşünür:

"Dünyanın ən yaxşı oyunçularından biri bizə qoşulur. Cud bunu istədiyi üçün buradadı. İstənilən kluba gedə bilərdi, çoxları onu almaq istəyirdi. Amma o, "Real"ı seçdi".

Qeyd edək ki, Cud Bellingem "Real"la 2029-cu ilə qədər müqavilə imzalayıb. "Borussiya" bu transferdən 103 milyon avro qazanıb. "Kral klubu" əlavə daha 31 milyon avro bonus ödəyə bilər.