12 İyul 2023, 12:29
FUTBOL

"Neftçi"nin yeni baş məşqçisi Adrina Mutunun transfer siyahısındakı ilk futbolçu müəyyənləşib. Matc.az saytının Rumıniya mətbuatına istinadən məlumatına görə, 44 yaşlı mütəxəssis adıçəkilən ölkədə çıxış edən bir oyunçuya göz dikib.
 
Belə ki, o, CFR-də çıxış edən braziliyalı mərkəz müdafiəçisi Yuri Matiasın transferində maraqlıdı. Hətta 28 yaşlı "sambaçı"nın klubu ilə danışıqların ilk mərhələsi də baş tutub. çFR Buxarest "Rapid"inin də maraq dairəsində olan oyunçunun satışından 500 min avroluq gəlir əldə etməyi planlaşdırır.
 
Hələ "Rapid"də olarkən Matiası komandasına cəlb etməyə çalışan Mutu bu dəfə ona "Neftçi" formasını geyindirməkdə israrlıdı. Yeni mövsümdə Buxarest klubunda əsas heyətə düşmək şansı az olan braziliyalı futbolçu özü də komandasını dəyişməyin əleyhinə deyil.
 
Qeyd edək ki, "Neftçi" dünən Adrian Mutu ilə 2 illik müqavilə imzalayıb.

XƏBƏRİ PAYLAŞ
  • gplus
  • pinterest