Madridin "Atletiko" klubunun hücumçusu Joao Feliks karyerasını "Barselona"da davam etdirmək istəyir. Matc.az xəbər verir ki, 23 yaşlı portuqaliyalı Kataloniya klubuna keçməyi arzulayır. Ancaq "Barselona"da olan maliyyə çətinliklərinə görə bu transferin baş tutması ehtimalı çox aşağıdır.

Feliksin yay transfer pəncərəsi zamanı "Atletiko"dan ayrılacağı bildirilirdi, lakin məsələ hələ açıq olaraq qalır. Daha əvvəl isə portuqaliyalının "Aston Villa"ya keçməkdən imtina etdiyi barədə məlumat yayılmışdı.

Xatırladaq ki, Feliksin "Atletiko" ilə müqaviləsi 2027-ci ilə qədərdir. Futbolçunun transfer qiyməti 50 milyon avro dəyərləndirilir.