15 İyul 2023, 23:02
FUTBOL

""Mane ümidləri doğrultmadı. Rəqabət çox yüksəkdir və onun start heyətində meydana çıxması asan olmayacaq"

"Bavariya"nın baş məşqçisi Tomas Tuxel hücumçu Sadio Manenin vəziyyətini şərh edib. Matc.az xəbər verir ki, 31 yaşlı futbolçu yay transfer pəncərəsində klubunu dəyişə bilər. Tuxel səmimi açıqlamaları ilə qaranlıq qalan məqamlara aydınlıq gətirib.
 
"Mane ümidləri doğrultmadı. Rəqabət çox yüksəkdir və onun start heyətində meydana çıxması asan olmayacaq. Sadio da bundan xəbərdardır. O, mənim və klubun fikrini bilir", - deyə Tuxel açıqlamasında bildirib.
 
Xatırladaq ki, Mane mövsüm ərzində "Bavariya"da 38 oyun keçirib, 12 qol vurub və 6 məhsuldar ötürmə verib. Transfermarkt seneqallını 25 milyon avro qiymətləndirir.

XƏBƏRİ PAYLAŞ
  • gplus
  • pinterest