28 Avqust 2023, 15:04
FUTBOL

"Qarabağ" Avropa Liqasının pley-off mərhələsində "Olimpiya" ilə keçirəcəyi cavab oyununun proqramını açıqlayıb. Matc.az xəbər verir ki, komandanın qarşılaşma öncəsi son məşqi avqustu 30-da Tofiq Bəhramov adına Respublika stadionunda olacaq.
 
Saat 18:30-da start götürəcək məşqdən yarım saat əvvəl baş məşqçi Qurban Qurbanovun mətbuat konfransı təşkil olunacaq.
 
"Olimpiya"nın açıq məşqi isə saat 20:00-a planlaşdırılır. Sloveniya klubunun baş məşqçisi Joao Enrike 21:20-də media nümayəndələri önünə çıxacaq.
 
Qeyd edək ki, avqustun 31-də keçiriləcək oyun saat 20:00-da başlayacaq. Lyublyanadakı ilk görüşdə "Qarabağ" 2:0 hesablı qələbə qazanıb.

XƏBƏRİ PAYLAŞ
  • gplus
  • pinterest