Avropa Futbol Assosiasiyaları İttifaqının (UEFA) İcraiyyə Komitəsi 2024-cü il Avropa çempionatının final turnirində iştirak edəcək komandalar üçün pul mükafatlarının paylanması sistemini təsdiqləyib.

Matc.az xəbər verir ki, AVRO-2024-ün ümumi mükafat fondu 331 milyon avro təşkil edəcək.

 - İştirak haqqı : 9,25 milyon avro;Matç bonusu : qələbəyə görə 1 milyon avro və heç-heçəyə görə 500 min avro;

 - 1/8 finala yüksəlmək : 1,5 milyon avro;

 - 1/4 finala çıxmaq : 2,5 milyon avro;

 - Yarımfinala çıxmaq : 4 milyon avro;

İkinci yeri tutan komanda 5 milyon avro əlavə ödəniş alacaq. Turnirin qalibi əlavə 8 milyon avro qazanacaq. Çempion olan komandanın qrupdakı hər üç matçda qalib gələcəyi təqdirdə ala biləcəyi maksimum məbləğ 28,25 milyon avro təşkil edir.

Qeyd edək ki, 2024-cü il Avropa çempionatı iyunun 14-dən iyulun 14-dək Almaniyada keçiriləcək.